Animateur Brevet B

Firwat dës Formatioun maachen?

Wärend 1 Woch preparéiere mir dech op d’Aufgaben an d’Responsabilitéite vun engem Animateur a ginn dir e gutt gefëllte Rucksak mat, mat deems du flott Aktivitéiten a Projetea Kolonien ëmsetzen kanns.

En uschléissende Stage vun 75 Stonnen ass néideg fir de Brevet B ofzeschléissen. De Stage ass a Form vun enger Kolonie (am In- oder Ausland) mat Kanner oder Jonken. Zesummen mam Jugendhaus an aneren Animateuren organiséiers du den Oflaf vun der Kolonie, sou dass du dat neit Wëssen, déi nei Techniken sou  wéi d’Methode mat Kanner a Jugendlecher auszeprobéieren kanns. Hei méchs du wäertvoll Erfarungen a mierks, wat gutt funktionéiert an u wéi enge Methoden an  Aktivitéitens du nach feile muss. Wann deng Formatiounen erfollegräich ofgeschloss ass, bass du am Team Animateur vun elisbeth Jeunesse a kanns wéider Kolonien, Campen oder soss Angeboter mat organiséieren an duerchféieren.

Zilgrupp

D’Formatioun fir den Animateur Brevet B riicht sech un all Jonken, deen oder dat zum Zäitpunkt vun der Formatioun 16 Joer huet. Un de Brevet B uschléissend kann een d’Formatioun fir den  Animateur Brevet C maachen.

Oflaf

Deng Formatioun dauert 1 Woch, generell vu samschdes bis samschdes a kann héi zu Lëtzebuerg oder am Ausland organiséiert ginn. D’Formatioun beinhaltet d’Iwwernuechtungen, Iessen a Gedrénks an enger Jugendherberg  an erfuerderen 100% Präsenz an aktiivt Matschaffe vum Jonken. Dofir bidde mir dir eng interaktiv a spannend Formatioun, mat villen Aktivitéiten a Workshops baussen an der Natur, eng gutt Stëmmung an Teamgeescht!

Den zweeten Deel besteet aus dengem Stage vun min. 75 Stonnen wous du mat elisabeth Jeunesse eng Kolonie organiséiert an och begleede muss. Ass deng Formatiouns erfollegräich ofgeschloss, kanns du weiderhinn mat elisabeth Jeunesse cool Campen a Kolonien organiséieren, selwer decidéieren wou et higeht an dech weider engagéieren fir aner Formatiounen.

Formateuren & Formatricen

D’Equipe vun dynameschen Formateuren besteet aus ausgebiltem
Personal, déi alleguer am elisabeth – Kanner- a Jugendberäich schaffen.
Si weisen eng jorelaang Erfarung an der  Kanner- a Jugendbetreiung op, déi et
hinnen erméiglecht dir dat néidegt Wëssen an Know-how op eng kompetent
Aart a Weis ze vermëttelen.

Wat brauchs du fir d’Formatioun?

  • Dem Wieder ugepasste Kleedung
  • Eng Täscheluucht mat Ersatzbatterien
  • Fest an zoue Schong
  • Eng Waasserfläsch
  • Deng Carte d’Identité
  • Deng Kaart vun der Caisse de Maladie
  • An virun allem vill Loscht an eng gutt Laun

team Funima
Team Funima_3(1)
Team Funima_2(1)
Lagerfeuer
Velo
Secherheet
Précédent
Suivant